Draumur um veruleika

Ok mér finnst þetta fyndið...

2007-08-24T06:48:00.000-07:00

...svona er ég bara

Fullkomnun

2007-08-23T04:04:00.001-07:00

Ég þekki fullkomið par. Þau eru svo hamingjusöm og góð við hvort annað. Þau fara í löng ferðalög um heiminn og fara út í nám og gera skemmtilega hluti. Þau eru svona “match made in heaven”. Vandamálin þeirra, ef þau voru nokkur, snérust um litla hluti eins og hvort blómavasinn ætti að vera á borðinu eða í gluggakistunni. Í gegnum árin hef ég fylgst með þeim úr fjarlægð og öfundað þau af þessari fullkomnu hamingju, sem ég taldi mig ekki hafa (amk ekki á meðan ég var einhleyp) og óskað þess heitt að ná að komast í þeirra spor.
Ég frétti af þeim um daginn, þau eru enn par. En hann tók allar peningana þeirra í nefið og þau þurftu að byrja alveg frá grunni. Hann er reyndar hættur að taka í nefið í dag en þeir sem þekkja til vita að það er bara eitt skref af óteljandi að hætta...oft eru skrefin sem koma á eftir ekki síður sársaukafull. Mér er hætt að langa í sambandið þeirra...
Þetta kennir manni kannski að meira að segja góðu fullkomnu samböndin hafa sprungur, bresti og brak...

Hlaup

2007-08-21T12:30:00.000-07:00

Þar sem ég er búin að taka upp úr næstum því öllum kössunum og svotil búin að koma öllu fyrir, þá gat ég farið út að hlaupa. Hef lítið sem ekkert hlaupið í sumar...og sumarið teygir sig voða voða langt aftur. Fjölskyldan hefur farið nokkrum sinnum saman en í gær fór ég og yngri sambýlismaðurinn. Upphaflega planið var að fara 10 km (hann hjólar með) en þegar við vorum rúmlega hálfnuð skellir hann þeirri hugmynd fram hvort við ættum ekki að fara 15. Það var til þess að ná að fara yfir brú sem honum þykir voðalega gaman að hjóla yfir.
Hann - eigum við kannski að fara 15?
Ég - tja..(eftir smá umhugsun) ég get það alveg, en þá yrði ég voðalega þreytt og færi hægar en ég er að fara núna...
Hann - (fylgist með mér í smá stund og segir svo með mjög mikilli innlifun og með sannfæringarkrafti) það væri þá MJÖG hægt...

Til að byggja upp sjáflstraust móður sinnar enn meira bætti hann við þegar ég kláraði síðustu metrana:
Hann - ertu mjög þreytt?
Ég - jahh..ég er eiginlega alveg búin á því...
Hann - ég gæti sko alveg farið 15 km til viðbótar..

Þjálfari maraþondrengs handtekinn fyrir pyntingar

2007-08-13T02:13:00.000-07:00

Þjálfari fimm ára gamals indversks maraþonhlaupara var handtekinn í morgun eftir að drengurinn sakaði hann um pyntingar. Móðir drengsins kærði þjálfarann til lögreglu í borginni Bhubhneswar í austurhluta Indlands en drengurinn, sem heitir Budhia Singh, sagði við sjónvarpsstöðvar að þjálfarinn hefði lokað hann matarlausan inni í herbergi og barið sig með heitri járnstöng.

Budhia Singh vakti heimsathygli í maí í fyrra þegar hann hljóp 65 km vegalengd í fylgd 300 indverskra hermanna en hné niður rétt áður en hann komst í endamarkið. Barnaverndaryfirvöld í Orissafylki bönnuðu drengnum að hlaupa langhlaup eftir að fréttir bárust um að hann væri vannærður og undir miklu líkamlegu og andlegu álagi.

Biranchi Das, þjálfari drengsins, hélt því hins vegar fram að heilsa drengsins væri í besta lagi og hann væri þjóðargersemi. Þess vegna krafðist hann þess að Orissafylki greiddi sér 2000 dali á mánuði vegna uppihald drengsins.

Budhia fæddist í fátækrahverfi í borginni Bhubaneswar. Þegar hann var ársgamall lést faðir hans og móðirin seldi drenginn fyrir jafnvirði 1500 króna. Biranchi Das, sem starfaði sem júdóþjálfari í borginni, ættleiddi drenginn og uppgötvaði síðar að hann bjó yfir óvenju miklu þoli.

„Hann kom til mín þegar hann var þriggja ára. Einn dag skipaði ég honum í refsingarskyni að hlaupa og gleymdi honum svo. Þegar ég sá hann sex tímum síðar var hann enn á hlaupum," var haft eftir Das á síðasta ári.

tekið af mbl.is
...þarf maður að bæta einhverju við?...

Miklu betri en þessar gömlu

2007-08-08T02:54:00.000-07:00

Ég fór í sund um daginn, sem er svosem ekki frásögum færandi...nei ætli sé ekki best að byrja á byrjuninni: ég fór í sund um daginn, ekki þann dag sem ég byrjaði að segja frá, heldur viku fyrr. Ég fór aldrei þessu vant ofan í laugina og synti heila 200metra. Ég var mjög ánægð með mig. Ekki endilega af því að ég hafði afrekað að synda alla þessa metra, heldur frekar vegna þess að ég synti yfir höfuð. Ég hitti svo tvær vinkonur mínar í lauginni og fór að monta mig af þessu afreki mínu. Önnur var mjög stolt af mér og sagðist einmitt hafa synt svipaða vegalengd um daginn...
...hin aftur á mót fór að hlæja og benti okkur á að meira að segja gömlu konurnar syntu 500 metra...
Allt í einu var ég ekki svo stolt yfir þessu framtaki mínu (kannski fyrst og fremst út af því að við vorum í heita pottinum og ALLIR voru að hlusta) en ég hélt þó hetjulega haus...
...svo fór ég í sund um daginn (þarna þar sem ég byrjaði söguna upphaflega) og sagði við stóra sambýlismanninn að ég ætlaði að byrja á því að synda. Og ég synti og ég synti og ég synti. Ég fór eiginlega til Vestmannaeyja og til baka, svo mikið synti ég. Alveg heila 600 METRA og eins og það væri ekki nóg þá synti ég af þeim 175 metra í skriðsundi. Og eins og það væri ekki nóg, þá klessti ég ekki á neinn, drukknaði aldrei og synti þó nokkuð beint. Ég er rosaleg!!!
Þremur dögum seinna eru strengirnir alveg að fara og ég get rétt bráðum farið að lyfta glösum og klæða mig sjálf

Gordon Brown

2007-08-07T02:33:00.000-07:00

Þegar ég frétti að Gordon Brown væri nýji forstætisráðherra Bretlands, varð ég skemmtilega hissa. Mér finnst Gordon Brown nefninlega vera konu nafn. Núna veit ég betur og hef oft séð mynd af Mr Brown. En það breytir því ekki að þegar ég hugsa um hann sé ég hann fyrir mér í bleiku dressi...
ætli ég viti eitthvað sem hann er ekki búinn að viðurkenna fyrir umheiminum???

tóm - HP

2007-08-03T07:09:00.000-07:00

ég er búin með harry potter og er eitthvað svo tóm að innan. hvað á ég núna að gera?

Dagur 3

2007-08-03T03:24:00.000-07:00

Dagurinn í gær gekk bara nokkuð vel. Mér tókst ekki bara að hugsa jákvætt heldur líka að snúa neikvæðum hugsunum í jákvæðar. (ok, kannski ekki oft en það tókst amk einu sinni´).
Á ákveðnum tímapunkti (erfiðum) tókst mér að loka alveg á neikvæðni, til að ath hvort það kæmi ekki í veg fyrir að viðkvæmt augnablik færi út um þúfur...og það tókst.
Fór líka út að hlaupa í gær. Eða ætti ég að segja skokka. Mér líður í raun eins og ég eigi að segja "jogga" eins og heldri mennirnir gera, því það var eiginlega það sem ég var að gera. Ég fór ekki langt, um 7 km, en það var erfitt. Ég er komin með markmið: koma mér í gott form.
Ég ætla að stinga upp á því við yngri sambýlismanninn að fara aftur í nammibindindi, jafnvel fram í desember - með einum "svindldegi" í mánuði. Svo þegar það er búið fáum við verðlaun. Ég fæ kannski skó og hann getur fengið tölvuleik eða bíómynd nú eða skó...

umhugsun - dagur 2

2007-08-02T02:39:00.000-07:00

Undanfarið hef ég fundið hvernig ég hef verið að sogast inn í einhverja holu. Holu sem er full af neikvæðri orku. Á góðum degi tek ég eftir því hvað neikvæðni í fari annarra er óþæginleg. Mér líður illa í kringum neikvætt fólk og sé (á þessum góða degi) hvað það hefur slæm áhrif fyrir fólkið sjálft. ´
þar sem ég er búin að heglast í einhverja daga í myrkrinu og með öllu tilheyrandi og ekki liðið vel með það, þá hugsaði ég með mér í gær: "héðan í frá ætla ég bara að hugsa jákvætt"
Ég veit að ég er ennþá reið og ennþá sár, en það kom mér hins vegar á óvart að hausinn minn er uppfullur af neikvæðum hugsunum. Það voru átök fyrir mig að snúa þær niður. það voru svo mikil átök að ég gat ekki farið að hugsa jákvætt um það sem ég hafði verið að hugsa neikvætt um. heldur þurfti ég einfaldlega að finna mér eitthvað annað að hugsa um. Það versta við þetta allt var í rauninni að ég var svo saman herpt að flest sem ég hugsaði um varð neikvætt, sama hversu jákvætt það hafði verið í byrjun.
í dag er hins vegar nýr dagur og ég held áfram þessari jákvæðu og uppbyggjandi vinnu :-)

Ég elska lífið og það elskar mig

2007-04-17T03:49:00.000-07:00

If you can't be a good example -- then you'll just have to be a horrible warning.

Rakvélar

2007-04-14T04:09:00.000-07:00

Í gær stóð mér til boða að kaupa 8 rakvélarblöð fyrir 2500 krónur. Þrátt fyrir að vera í svona stelpu eyðslu leiðangri þá fannst mér þetta vera full dýrt og afþakkaði boðið. Afgreiðslukonan var alveg sammála mér og benti mér á að það væri hægt að kaupa svona lítið tæki sem tætti hárin í burtu, það væri svolítið sársaukafullt en margborgaði sig peningalega séð.
Á mínu heimili gengur gengur þetta undir nafninu "tætarinn" og hefur verið í notkun í mörg ár - mig minnir alveg síðan ég fór í kynlífsferðina til London - en það er nú önnur saga.
Ég sagði afgreiðslukonunni að ég ætti svona tætara og sársaukinn vendist alveg ótrúlega fljótt, en það væru bara sumir staðir sem tætarinn fengi ekki að fara á og því þyrfti ég rakvélarblöð líka.
Hún brosti skilningsrík til mín og ég á móti, við vorum systur.
En blöðin ætlaði ég að reyna að fá ódýrari annarsstaðar.

Í næstu verslun fékk ég ekki blöð heldur sambærilega rakvél og ég átti heima með tveimur blöðum, á 1100 krónur. Mér finnst asnalegt að rakvélaframleiðendur búi svo um hnútana að neytandinn sé líklegri til að kaupa nýja rakvél í stað auka blaða.
Ekki nóg með það heldur þegar ég var kominn heim tók það hálftíma að komast í gegnum umbúðirnar - sem að sjálfsögðu fóru beint í ruslið og skaftið líka, því mig vantaði jú bara blöðin en átti ekki 2500 kall.

Litla lífið það fer hring hring hring...

2007-04-13T07:16:00.001-07:00

Einu sinni voru tvær poppstjörnur sem elduðu grátt silfur saman. Önnur þeirra var „góð stelpa“ og þótti líklegri til að ná langt með hæfileikum sínum. Hin var „óþekka stelpan“, hafði mjög umdeildan fatasmekk og ekki talin eins mikil gullstúlka eins og hin, í raun í besta falli brons stúlka. Svo fór sem fór...önnur heitir Witney Huston og hin Madonna
Einhverjum árum seinna voru aðrar poppstjörnur sem elduðu grátt silfur saman. Önnur þeirra var talin fyrirmynd allra ungra stúlkna, hrein mey og allur pakkinn. Hin var afskaplega ódæl, hafði vægast sagt umdeildan fatasmekk og alls ekki talin líkleg til að ná eins langt og meyjan hreina tæra. Svo fór sem fór...önnur heitir Britney Spears og hin Christina Aguilera.
Tilviljun eða fara hlutirnir í hringi? Jahh...maður spyr sig.

Við unnum!

2007-04-01T05:38:00.000-07:00

Já, verð að segja að það gladdi mitt litla hjarta að heyra að við höfum enn smá vott af skynsemi í sálartetrinu - þó ekki sé nema rétt rúmlega helmingur okkar.

Ekki skemmir fyrri að ég var búin að veðja um fallega, góða rauðvínsflösku...

Nú er bara næsta mál á dagskrá að fara að undirbúa tiltektina eftir að álverið hættir starfsemi sinni í Straumsvík. Kannski maður endi með að búa í Hafnarfirði eftir allt saman? (Svona á gamalsaldri sko - ekki alveg strax)

Táknrænar gjafir

2007-03-30T02:04:00.000-07:00

Ég kom heim úr vinnunni í gærkvöldi, alveg úrvinda eftir rúmlega 12 tíma hark. Átti þó ósk heitasta að fá að fara í bað og svo beint í bólið. En það var víst ekki í boði.
1. Ég á ekki baðkar
2. Ég átti eftir að skila skattaskýrslunni.

Þegar litli sambýlismaðurinn var kominn í bólið skellti ég mér á skýrsluna. Þetta átti ekki að vera mikið vandamál og svo sannarlega ekki að taka langan tíma, þar sem ég átti í raun bara eftir að fylla inn ökutækjastyrks blaðið. Þegar því var lokið (á mettíma með aðstoð þess stóra) villuprófaði ég...

þá kom melding um að ég hafi ekki fyllt rétt út hlutafjáraukablaðið mitt!
WHAT! hvaða helv. hlutafjárblað????
Þá mundi ég að ég hafði fengið svona "táknræna" gjöf frá fyrirtækinu mínu um jólin síðustu. Hlut í fyrirtækinu heilir 200 hlutar 29 íkr hver - minns er rík!!!
En ég hef aldrei þurft að gefa áður upp til skatts þetta eina hlutabréf sem ég á í Hlaðvarpanum (fékk það í fermingargjöf frá Boggu)

Ég var eins og áður sagði orðin úrvinda af þreytu og við þær aðstæður verð ég sjónlausari en gengur og gerist og að sjálfsögðu fullkomlega heiladauð.
Til að gera langa sögu stutta, ákvað ég að skila skattaskýrslunni ekki og lifa bara af hlutafjárarðinum mínum (er það ekki annars kallað það?)

Sófar og sjálfstæði

2007-03-27T14:02:00.000-07:00

ég heyrði í manni í dag:
- í dag eyddi ég hundraðþúsund kalli. Ég fór í Rúmfatalagerinn og settist þar í sófa. Ég keypti um daginn svona gluggatjöld og sófinn var alveg eins á litinn og ég bara skellti mér á hann. Hann er svona tveggja sæta og með skammeli sem er auðvelt að fá upp og auðvelt að loka aftur.
Svo sagði ég mig úr Sjálfstæðisflokknum. Gerði mér ferð í Valhöll og sagði mig formlega úr flokknum. Ég er búin að vera í honum síðan 1955.

Ég velti því fyrir mér hvaða flokk hann kjósi þá í staðinn, en kunni ekki við að spyrja enda var hann ekki beint að segja mér þessar fréttir.

Nærföt á Íslandi

2007-03-22T03:50:00.000-07:00

Ég veit að sumir segja að það megi ekki gera grín að minni máttar eða þeim sem manni finnst vera minni máttar, eða þeim sem eru öðruvísi en maður sjálfur er...
en mamma mín er þroskaþjálfi og hún hefur oft sagt mér skemmtisögur af fólki sem er í kringum hana...
Fékk neðangreindan tölvupóst um daginn og link inn á þessa síðu
mér finnst hún stórskemmtileg...

Nytt Net Verslun Loksins Kómin ......

Með Franska Undirfattnaður Sokkabuxur og Sundföt

Öll okkar Vörur eru islensk Hönnun.

Takið eftir að franski undirfatnaðurinn er íslensk hönnun. Við Íslendingar erum greinilega að ná fullum yfirráðum í heiminum.

tiska

2007-03-16T01:43:00.000-07:00

Af hverju getur ekki bara verið í tísku að vera með náttúrulegar augabrúnir?
Þetta vex alveg óþolandi hratt...

Er annars að fara í jaxlatöku á eftir. Þegar konan sem ég var með á fundi í gær fór í slíka töku, þá kjálkabraut tannlæknirinn hana...

Ég er svaka spennt...

Af fjölda játningum...

2007-03-15T01:44:00.000-07:00

Maður spyr sig hvort þetta sé kannski aðeins of hentugt? Ég meina er ekki líka hægt að fá manninn til að játa að hafa drepið JFK og kannski líka Geirfinn úr því við erum byrjuð á þessu?
Er annars að velta fyrir fatatískunni þarna í Guantanamo fangelsi...að vera í bol utan yfir ullarpeysu, er það málið þarna? Ég sem hélt að það væri svo heitt á þessum slóðum....

Khalid Sheikh Mohammed, sá er sakaður hefur verið um að skipuleggja árásirnar 11. september 2001 viðurkenndi allar sakir í yfirheyrslum í Guantanamo-búðunum um helgina.

Samkvæmt endurriti af yfirheyrslunum sem CIA, leyniþjónusta Bandaríkjanna hefur gefið út viðurkennir Mohammed að hafa skipulagt árásirnar á Tvíburaturnana og Pentagon auk þess sem hann sagðist hafa skipulagt árásir á Big Ben og Heathrow flugvöllinn í London.

Hann viðurkennir einnig að hafa skipulagt sprengjuárás í kjallara World Trade Center árið 1993 og að hafa ætlað að ráða Bill Clinton fyrrverandi forseta og Jóhannes Pál annan fyrrverandi páfa af dögum. Yfirheyrslurnar voru haldnar fyrir luktum dyrum og var engum utanaðkomandi leyft að fylgjast með.

Endurritið er þýtt úr arabísku og ritskoðað af Varnarmálaráðuneyti Bandaríkjanna að sögn til að upplýsa ekki um mikilvæg leynigögn. Þetta er í fyrsta sinn sem réttað er yfir Mohammed síðan hann var handtekinn í Pakistan fyrir fjórum árum.

Yfirheyrslurnar hafa verið harðlega gagnrýndar af mannréttindasamtökum og því haldið fram að ekki sé möguleiki fyrir sakborninginn að þær verði sanngjarnar þar sem verjandi hans er bandarískur herlögmaður.

Þessar yfirheyrslur hafa enga eiginlega lagalega þýðingu aðra en þá að játningarnar sem fram komu geta leitt til þess að réttað verði yfir Mohammed í herrétti.
Tekið af visir.is

Stundum eru orð óþörf...

2007-03-12T13:46:00.000-07:00

Tiörur

2007-03-08T15:05:00.000-08:00

Í fávisku minni hélt ég að fyrst og fremst stelpur væru með kórónur, en nei...
Spurning hvernig ég á að velja?

Alltaf flottur

What?

Svolítið Hólmfríður Karlsdóttir, en hún er jú alvöru prinsessa

hálf daufleg þessi

Promprinsessan

2007-03-08T14:44:00.000-08:00

það er árshátíð í vinnunni minni á laugardaginn. Mér finnst ég vera hálf lömuð, ekki búin að ákveða í hverju ég á að fara, fer ekki í klippingu, ekki í förðun og ekki greiðslu og ekki í ljós. Kannski kaupi ég mér samt sokkabuxur á leiðinni í fordrykkinn?
Hef stundum velt því fyrir mér hvað ég er klofin: ég er alveg ótrúlega félagslynd, finnst gaman að gera skemmtilega hluti, elska að tala og að á mig sé hlustað.
En á sama tíma þoli ég ekki að vera í mannmergð, þoli illa svona félagsmálabrölt og finnst gott að vera fluga á vegg eða heima að lesa.
Var á stórri stórri samkomu um síðustu helgi og men hvað mér fannst það ekki vera fyrir mig. Ég horfði bara á allt þetta fólk og fannst ég vera svo voðalega lítil og ósýnileg (sem ég sjálfsagt var) það var samt allt í lagi því ég var edrú og sá alla hina verða kjánalega og fór þá heim.
En aftur að árshátíðinni: það er svona prom þema og ég á ekki promkjól en eldri ambýlismaðurinn minn á pífuskyrtu í bílskúrnum hjá mömmu sinni. Ég held samt að hann ætli ekki í henni.
Mig langar í kórónu. Ég er eiginlega viss um að ég enda í einhverju sem er ekki alveg promlegt og á því kannski ekki mikla möguleika á því að verða valin promdrottning kvöldsins og því fæ ég líklegast ekki kórónuna, þannig að ég er að spá í að fara í skranhúsið og kaupa mér kórónu - þá er eiginlega alveg sama í hverju ég er og skiptir engu máli hvort ég hafi farið í hárgreiðslu eða ekki!

Tannsýki

2007-03-07T04:55:00.000-08:00

Ég er með sýki, tannsýki í tuttuguára jaxlinum mínum. Ég er eins og ég sé með kirsuberjatómat í vinstri kinninniog get lítið opnað munninn. Ég fer í tanntöku eftir rúma viku, veit að það er ekki mjög gott en mikið hlakka ég samt til. Ef ég fæ að eiga jaxlinn ætla ég að setja hann undir koddann og koma fyrir falinni myndavél í þeirri von að ná mynd af tannálfinum. Sem er, ef mark er takandi á þessum Disney myndum sem ég hef séð í gegnum tíðina, afskaplega skrautlegur og skemmtilegur karakter.

Svo er ég líka með kvef, en það er nú allt í lagi.

af ikear ferðum

2007-03-05T03:43:00.000-08:00

Ég dró eldri sambýlismann minn með mér í IKEAr í gær. Fyrst spurði ég hann og hann sagði nei og sá svo að sér en þá ætlaði ég svo sannarlega ekki að leyfa honum að koma með mér en sá svo að mér...sem betur fer.
Það var verið að snurfusa í unglingaherbergninu og keyptir fleiri fleiri flatir kassar af húsgögnum og öðru slíku. Ég var mjög þakklát fyrir að hafa einhvern til að diskútera við þó mér hafi fundist hann stundum hafa haft full sterkar skoðanir á hlutunum.
Heill gámur af drasli og dóti og því var hlaðið á vagninn, og rennt í gegnum skannann hjá stráknum á kassanum og svo út og þá var bara allt stopp.
Af hverju var enginn búin að segja mér að það væri sólpafangelsi fyrir utan útgöngudyrnar hjá IKEAr?
Ég þurfti að hýrast í kulda og strekkingi á meðan eldri sambýlismaðurinn arkaði hálftíma yfir í hinn enda bílastæðisins, þar sem bíllinn var. Við nefninglega megum ekki taka kerrurnar út á bílastæðið!
Hvað á maður að gera ef maður fer einn að kaupa sér dót? Skella því á bakið?
Hvað er málið? Er bílastæðið það stórt og kerrubörnin svo ung að þau mega ekki fara svona langt frá húsinu til að sækja kerrurnar?
Eða er kerruþjófur í Garðabænum?
Ég er svo illa gefin að ég bara skil þetta alls ekki...

Jahérna...

2007-02-27T06:07:00.000-08:00

Ókey, þetta er vísbendingaspurning.

Spurt er um 12 mánaða tímabil í Íslandssögunni.
Ef svarað er rétt eftir fyrstu vísbendingu fást 3 stig, 2 fyrir næstu og eitt fyrir síðustu.

Um hvaða tímabil er spurt?

1. vísbending:

Íslendingar eignast alheimsfegurðardrottningu.
Íslendingar stunda hvalveiðar.
Launamunur kynjanna er um 15%.
Sykurmolar halda tónleika.
Vextir á Íslandi eru miklu mun hærri en í nágrannalöndunum.
Jón Páll Sigmarsson er mikið í umræðunni.
(3 stig)

2. vísbending:

Duran Duran skekur landann.
Stóriðja er stefna stjórnvalda.
Dagur Vonar er sýnt hjá Leikfélagi Reykjavíkur.
Karlkyns stjórnmálamenn tala opinberlega á niðurlægjandi hátt um konur.
Bubbi Mortens er kóngurinn.
Alvarlegur fjárhagsvandi steðjar að Kvennaathvarfinu í Reykjavík.
(2 stig)

3. vísbending:

Ár eru virkjaðar og náttúrperlum sökkt til að skapa orku fyrir stóriðju.
Hlutfall kvenna í nefndum á vegum Alþingis er skammarlega lágt.
Landslið Íslands stendur sig vel á alþjóðlegu stórmóti.
Forsætisráðherra og borgarstjóri eru karlmenn.
Eiríkur Hauksson keppir fyrir Íslands hönd í Eurovision.
Matarverð á Íslandi er stórkostlega mikið hærra en í viðmiðunarlöndunum.
Mikil umræða er um sifjaspell og ábyrgð dómstóla vegna kynferðisafbrotamála.
(1 stig)

Nú hafa glöggir keppendur kannski áttað sig á því að rétt svör eru tvö: nefnilega árin 1986/7 og 2006/7. Já, lítið hefur breyst og annað fer í hringi.

eftir Sólveigu Arnarsdóttur

Á góðum degi

2007-02-26T08:12:00.000-08:00

Hér að neðan er hægt að sjá fatafellu í sumarfríi

Alveg magnað...

2007-02-26T02:05:00.000-08:00

Fyrst birt: 26.02.2007 09:54
Síðast uppfært: 26.02.2007 09:57

Kona braust inn til nágranna síns

Kona var handtekin í fjölbýlishúsi í efra Breiðholti í nótt. Hún hafði brotist inn í íbúð nágranna síns sem dvelur á sjúkrastofnun. Konan hafði sótt þangað nokkur málverk og ýmis húsgögn sem hún hafði komið fyrir í eigin íbúð.
Nágrannar urðu varir við þessa flutninga og létu lögreglu vita. Konan, sem var í mjög annarlegu ástandi, er nú í haldi lögreglunnar.
(tekið af ruv.is)

Af fjöldamorðingjum

2007-02-24T03:33:00.000-08:00

Ég var í smá vandræðum með að skilja fjöldamorðingjann svona eftir galeinan í íbúðinni. Hann var svosem ekkert krimmalegri en aðrir menn sem hafa komið í íbúðina en það var eitthvað... það kæmi mér ekki á óvart að ef ég hefði beðið eftir honum eða jafnvel boðið honum upp á kaffi, þá hefði ég fengið að heyra einhverjar hressandi kristianíusögur eða sögur af því þegar hann fékk tremmann í verbúðinni þarna um árið.
Ég ákvað að treysta og sýnist hann reyndar ekki hafa tekið neitt. En ég veit náttúrulega ekkert hvað hann gerði á meðan hann var einn í íbúðinni minni. Kannski gekk hann um með eiturbrúsann í bleiku blúndu brókinni minni? og hálfur í grænu skónum með bláu saumunum? Hvað veit maður svosem?

fjöldamorðingi í kaffipásu

Jahh eitt veit ég amk: Hann tók ekki til í sokkaskúffunni minni og hann braut ekki saman þvottinn - sem hann hefði mín vegna alveg mátt gera.

Auðkennislykill - öfgaöryggi

2007-02-22T02:08:00.000-08:00

Ég hef akkúrat enga þolinmæði fyrir þessum auðkennislykli. Ég er búin að fá tvo senda heim, einn fyrir mig persónulega og einn fyrir húsfélagið (er húsvörður). það er þó nokkuð langt síðan ég þurfti að virkja húsfélagslykilinn en hitt átti ekki að fara í gang fyrr en næstu mánaðramót - HÉLT ÉG -
þegar ég ætlaði inn á heimabankann minn í gær til að telja milljónirnar mínar, þá var það allt í einu ekki hægt nema ég væri með auðkennislykil við hendina.
Sem ég var ekki - því ég var í vinnunni.
Vegna þess hvað ég er ótrúlega yfirveguð og þolinmóð þá andaði ég inn og út og ákvað að sinna þessum málum þegar ég kæmi heim.
Það tók mig tæpan klukkutíma og tvö símtöl í þjónustuver bankans.

þegar upp er staðið má ég bara vera með einn lykil og konan í símanum var eiginlega viss um að ég hefði stolið lykli númer tvö og sagði að ég þyrfti að skila honum.
Ég sagði henni að ég væri búin að merkja hann með kennitölu, lykilorði og nafni...

...svo kemur nótt og nýr dagur og enn ætla ég að fara í heimabankann...
en get það ekki af því að ég er ekki búin að virkja sms varaleiðina...
ég er alveg að tapa glórunni yfir þessu..og ég ætla EKKI að fara að nota þennan hlunk sem lyklakippu, no way in hell...

En þetta er líklegast besta öryggið sem völ er á: ekki einu sinni eigendur komast inn á heimabankann sinn.
Svona eins og pillan sem er 99.9% örugg og mann langar ekki til að stunda kynlíf þegar maður er með þessa hormóna í æðunum..og verður þ.a.l. ekki óléttur...

Er munur?

2007-02-21T02:05:00.000-08:00

Ég heyrði í nokkrum mönnum um daginn. Þeir voru að tala um hvað einn tiltekin manneskja í fyrirtæki væri illa að sér og hvað vera hennar þar þjónaði litlum tilgangi fyrir fyrirtækið. Þegar þeir voru spurðir hvernig hefði verið tekið í það þegar þeir kvörtuðu undan henni, sögðu þeir að þeir hefðu ekki gert það bara snúið sér til annars aðila. Það hefði ekkert upp á sig að vera að kvarta undan henni, þegar þeir gætu hringt í einhvern annan í fyrirtækinu.

Ég velti fyrir mér hvernig konur hefðu tekið á þessu máli?

Í tilefni dagsins...

2007-02-16T03:34:00.000-08:00

Don't you wish there was a knob on the TV to turn up the intelligence?

There's one marked "Brightness" but it doesn't work

- Gallagher

Framundan er..

2007-02-16T02:30:00.000-08:00

Ég er að fara upp í sumarbústað á eftir. Ég ætla að taka með mér sundföt og gönguskó og hvítvín og kaffi og bók og singstar. Mér skilst reyndar að við þurfum að taka með okkur viskustykki líka, það hlýtur að finnast pláss fyrir eitt svoleiðs.
Stóri sambýlismaðurinn minn setti upp viftu inná bað í gær, veit ekki ennþá hvað hún gerir mikið gagn en eitthvað gagn hlýtur hún að gera. Veit samt ekki alveg hvort ég þori að mála rörin, kannski drepur hún silfurskotturnar úr hræðslu?
Ef ekki þá á ég alltaf von á fjöldamorðingjanum í heimsókn eftir helgi...

Af heimilisverkum...

2007-02-15T01:01:00.000-08:00

Sigmarssonur er búinn að vera við annan mann í tvo daga að gera það sem hann gerir best: að setja upp rör og vera með vesen. Nei, kannski er ekki hægt að segja að hann hafi verið með vesen en ég á í.þ.m. fullt af nýjum rörum og það finnst mér vera vesen, þar sem þau liggja flest utan á veggjunum og svo safna einhver þeirra dropum á sig þegar fjölskyldan fer í sturtu. Ég er alveg á fullu að reyna að láta þetta ekki fara með mig, en ég þarf að hafa mig alla við. Veit ekki hver niðurstaðan verður, en ég geri ráð fyrir að það þurfi að setja upp einhverskonar viftu inn á baðið. Well...

Fljótlega eftir að ég flutti í þessa íbúð (fyrir 7 árum) þá komst ég að því að það væru silfurskottur í íbúðinni. Ég er búin að vera á leiðinni að hringja í meindýraeyði en dró það alltaf á langinn, þar sem ég var viss um að það væri rándýrt að fá svoleiðis mann í heimsókn (kannski svona 30-50 þúsund) og að ég þyrfti að flytja út í viku og sótthreinsa allt eftir að hann væri búinn að vera þarna og svo framvegis og svo framvegis... í einhverju framtakssemisæðiskasti þá hringdi ég svo um daginn. Það kostar á bilinu 8-12 þúsund að fá svona mann í heimsókn, fer eftir stærð íbúðar (semsagt nær 8 þúsund) aðgerðin tekur klukkustund og má ekki fara inn í íbúðina í fjóra tíma á eftir. Og þeir koma í byrjun næstu viku og málið er dautt og silfurskotturnar líka.

Móðir náttúra

2007-02-14T01:41:00.000-08:00

Notið þið örbylgjuofn til að hita upp matinn ykkar?

Ég verða að segja að stundum finnst mér "skyndi" vera í lagi..en ekki við svona tækifæri..þetta er skelfilegt!

Afmæli...

2007-02-14T01:00:00.000-08:00

Fjóla systir og Sigrúnsif frænka og ameríski ástarguðinn eiga afmæli í dag. Óskum þeim innilega til hamingju með daginn.

Þessi stúlka á líka afmæli

Áhugavert?

2007-02-12T11:13:00.000-08:00

Fékk rétt í þessu þennan áhugaverða póst, hef það á tilfinningunni að ég sé að missa af tækifæri lífs míns, en skil samt ekki alveg hvernig ég á að snúa mér í þessu...

Good day

Todays market is going on and we have some fresh news for you:

MHII at OBB
Last: 0.02
(hvad fornoget?)

We know that you have an interest in fresh and current information only.The results of your and our work depends on truthful information and live data. That is why we offer you only online news which is represent the facts.
MHII is on vantage point now and the comapny is about to increase their positions.
Don't lose time. It's better period to act now.

Call your broker now.

c8sds9nifyhvurb55fz6kw5gzxqq3po7
7277667A456671756E667069776C717A3378
S3NL2E07BR5AK3X68PUKZ1W3L0T4T4F

Ástin

2007-02-12T04:41:00.001-08:00

Mér hefur alltaf fundist ástin svolítið erfið. Eina ástin sem hefur ekki valdið mér vandræðum er móðurástin. Hún er svo skilyrðislaus og hrein. Ég velti því fyrir mér af hverju ég geti ekki elskað aðra en son minn skilyrðislaust. Af hverju geri ég endalausar kröfur – hvort sem þær eru raunhæfar eða óraunhæfar – til annarra sem ég elska?
Velti því líka fyrir mér hvort það sé ég eða hvort það séu hinir?
Sumir segja að það sé best að geta lifað án þess að vera með væntingar til annarra því þá verði maður svo þakklátur og hamingjusamur með brauðmolana sem maður fær (eða eitthvað í þá áttina). Stundum hefur mér fundist þetta vera rétta leiðin en stundum hef ég litið á þetta sem uppgjöf. Fundist eins og ég sé að bakka með eitthvað sem er partur af lífsgildum mínum þar með partur af mér.
Kannski er þetta bara þannig að ég á svo erfitt með að láta af gömlum vana. Ég man t.d. eftir því áður en ég hætti að reykja í fyrsta skiptið, þá sá ég fram á það að þurfa að lifa í algjörri félagslegri einangrun það sem eftir lifði ævi minnar, því reykingar voru svo sterkur partur af félagslífi mínu að þær voru eiginlega bara ég í félagslífi. En það er nú liðin tíð...

Elskan mín farðu nú að ákveða þig....

2007-02-08T00:36:00.000-08:00

Ég velti því fyrir mér hvort vinkona mín sé vog? Hún virðist eiga eitthvað erfitt með að taka ákvaðanir. Sjáið tímasetningar þessara frétta.

Fréttablaðið, 05. feb. 2007 10:15

Vill Federline aftur
Samkvæmt National Enquirer grátbiður Britney Spears nú Kevin Federline um að snúa aftur. Samvkæmt upplýsingum þeirra hefur Britney boðið honum gull og græna skóga, og það þrátt fyrir að hún eigi kærasta. Á meðal þess er að hún borgi reikninga hans, hætti partístandinu og leiti sér hjálpar við áfengismisnotkun sinni.

Hún myndi jafnframt tryggja það að móðir Federline hlyti sæmileg eftirlaun og leika í myndbandi við dúett hennar og Federline. Federline ku vera að velta tilboðinu fyrir sér.

á meðan allt lék í lyndi

Vísir, 05. feb. 2007 16:46

Britney elskar að vera einhleyp
Eftir að Britney Spears skiildi við eiginmann sinn Kevin Frederline hafa hlutirnir ekki alltaf gengið eins og tveggja barna móður sæmir. En í samtali við People Magazine svaraði hún því til að henni þætti “æðislegt” vera einhleyp. Söngkonan hefur verið dugleg við að fara út á lífið eftir skilnaðinn. Á tískusýningu í New York á dögunum stal hún athyglinni af fyrirsætunum með röndóttum kjól og kynþokkafullum háum hælum, … Fréttastofu Ananova þótti eðlilegt að geta þess að hún var líka í nærbuxum

Einhleyp og alveg að elska það

Plummer

2007-02-06T02:57:00.000-08:00

Sigmar kom með “hitamyndavélamanninn” í gær. Þeir fundu það út að þessi skemmtilegi leki væri ekki tryggingarmál en Sigmar lofaði mér að þetta væri ekki dauðadómur og hringdi í son sinn og bað hann um að kíkja til mín. Hann lofaði að gera það en ætlaði að hringja á undan sér, sem hann hefur ekki ennþá gert. Er að spá í hvort þetta sé eins og ein af stæstu lygum heims? “Ég tek hann út áður en ég fæ það!”
Nei, bara að spá.
Tjónamaðurinn og ég eigum svo stefnumót í hádeginu, þar sem ég fæ tjónið sjálft bætt, þó ég fái ekki viðgerðina bætta.. Af því tilefni keypti ég mér rosalega fínan hálfglæran pallíettukjól.
Sigmar sagði að stóri sambýlismaðurinn minn ætti að geta gert við gatið á veggnum. Ég ætti að líta á það sem svona prófstein...Svo er það bara eldhúsið.
Viðurkenni það fúslega að ég hlakka pínulíitið til að vera flutt, það eru svo margir lausir endar sem eru að angra mig í tengslum við þessa sölu og kaup og ég tala nú ekki um flutninga.
...ekki það að ég sé búin að finna mér íbúð til að flytja í...

Læt hér fylgja með til gamans mynd af Christopher Plummer.
Spurning um að fá hann í stólpípupartý?

Stólpípa

2007-02-05T01:02:00.000-08:00

Ég er nýbyrjuð í jóga. það er voðalega gott og gaman. Ég þurfti að kyngja fordómum mínum gagnvart jógaæfingum. Þ.e. jógaæfingum einum og sér. Ég hef aldrei skilið jógaæfingar sem leiða ekki af sér hugleiðslu - ég meina ég er alin upp við að jógaæfingar séu undanfari hugleiðslu. Það hefur ekki verið mikið um hugleiðslu í þessum jógatímum en þeir eru alveg að skila mér í hugleiðsluástand.
Svo var námskeið um helgina: Jóga, lifandi fæði og hreinsun líkamans.
Já þar var töluvert rætt um stólpípur og ristilskolanir. Algjörlega mælt með þessu. Talaði fyrirlesarinn um að fólk gæti verið með allt að 20kg af fastri drullu í þörmunum (sá svo mynd af elvis í heftinu..hann var víst með eitthvað svoleiðis í þörmunum sínum - hann dó úr hægðartregðu og skít sem leiddi til hjartaáfalls og hana nú!)
Ég er alls ekki fráhverf þessari hugmynd (að prófa svona stólpípu eða eitthvað sambærilegt) Er samt ekki alveg búin að gera upp hug minn.

Læt fylgja með nokkrar myndir til gamans

Hér má sjá dæmi um stólpípudót:

Það er eintóm hamingja að fara í sólpípu, fyrir alla aðila

sýnishorn af ristli í roknastuði

Sigmar pípari mættur....

2007-02-01T13:52:00.000-08:00

Tókst loksins.
ég er ekki alveg farin heldur lenti ég í smá vandræðum...
með ýmislegt en held að það sé nú loksins að komast í samt lag.
ég er búin að fá Sigmar pípara í heimsókn aftur. þarf að finna gömlu færslurnar til upprifjunar. Hann hefur ekkert breyst, jú kannski aðeins. það er aðeins meiri reykingalykt af honum núna og tennurnar aðeins kaffibrúnni. Reyndar fannst mér hann ekki líta neitt sérstaklega vel út en það var allt í lagi með talanda hans...

Til upprifjunar:

Sigmar pípari 1
fortíðardraugur
Pólverjar
Sonur sigmars
Bækur

meira næst...

Vinir mínir

2006-12-08T02:09:00.000-08:00

Sjónvarpið mitt dó um daginn. Það má eiginlega segja að það hafi verið bráðhvatt, þar sem ég slökkti á því og þegar átti að kveikja á því aftur var það bara ekki hægt. Bara alls ekki. Alveg sama hvað var skipt um innstungur og pláss í fjöltenginu og ég veit ekki hvað og hvað. Við vorum sjónvarpslaus. Fyrra kvöldið kom það ekki að sök (fyrir mig) þar sem ég sat í stofunni og vann og vann – reyndar var ég bara lúmskt fegin að sjónvarpið virkaði ekki. Seinna kvöldið var ég í voða langan tíma í símanum að slúðra við mömmu, svo það kom eiginlega ekki að sök heldur. Þegar ég var hætt að tala við mömmu fékk ég að horfa á sjónvarpið í fínu stóru stóru tölvu sambýlismanns míns, eldri. Upp í rúmi!
Á þriðja degi var imbanum skutlað á læknavaktina og sjálfsagt gáfu læknarnir honum rafstuð eða eitthvað viðlíka því sjónvarpið var (sem betur betur fer) komið á sinn stað á altarinu þegar ég kom heim um kvöldið.
Náði að horfa smá. Þegar þulan sagði að nú ætlaði hún að fara að endursýna Aðþrengdar eiginkonur fór ég að hugsa. Þrátt fyrir að hafa ekki endilega horft mikið á sjónvarp í gegnum tíðina þá hef ég yfirleitt átt mér einn uppáhaldsþátt sem ég horfi á ef ég man eftir. Í huganum fór ég í gegnum árin: Húsið á sléttunni, Dallas, Bráðavaktin, Smack the pony, Litla Bretland, Smallville (hann var svooo sætur), Alias og Beðmál í borginni svo eitthvað sé nefnt. Ég uppgötvaði að allir mínir uppáhalds þættir eru ekki lengur í sýningu og hjartað mitt fylltist af tárum. Ég sakna Carrie og hinna vinkvenna minna. Ég þarfnast Beðmála í borginni.

Voruð þið búin að fatta...

2006-11-30T00:51:00.000-08:00

...að dótið sem datt neðst á síðuna er komið efst aftur?
Lærdómur dagsins: Ef einhver leggur þig í einelti lætur þú eins og þú takir ekki eftir því og heldur áfram með þitt daglega amstur og svo einn daginn hættir eineltið og allt verður eins og það á að vera...
...mikið var að þessi leti í mér fór að borga sig...

ikea(r)

2006-11-28T14:03:00.000-08:00

loksins loksins loksins komst ég í ikea(r)
ég var eitthvað búin að velta því fyrir mér að fara en þegar ég frétti að þetta væri lengar en smáralindin og lengar en vífilstaðaspítali, þá féllust mér hendur. Ég yrði líklegast að vera ikea laus. En svo þegar ég ætlaði að fara að setja upp jólaseríu í stofuna tók ég upp á því að mála gluggakistuna og þurfti að henda gardínunni - ikea - einnota!
- má ekki þvo
- má ekki bleyta
- má ekki hreinsa
- má bara alls ekki neitt nema toga upp og láta niður síga
og í kjölfarið vantaði mig ný gluggatjöld.

Til að gera langa sögu stutta þá er ég ekki lengur nýjuikea(r) hrein mey - en ég náði bara ekkert að versla að viti (þ.e. ekki neitt nema það sem ég kom til að kaupa)
Velti því fyrir mér þegar ég var á leiðinni út hvort dótið væri svona ljótt eða hvort ég væri að færa smekk minn yfir á eitthvað annað. Ég ákvað að smekkur minn væri að þroskast...

...komst að því að ég hefði rétt fyrir mér þegar ég kíkti í blómaval á leiðinni heim...og grét næstum af gleði yfir öllu fallega dótinu í þeirri RÁNDÝRU búð...

Sparnaðaraðgerðir og naglalökk

2006-11-24T04:24:00.000-08:00

Ég ákvað að vera svolítið villt og spara tíma og pening í leiðinni og fara í klippingu á Möndu. Nú er ég búin að vera villt og geri ráð fyrir að ég þurfi að eyða einhverjum tíma og peningum í að fara annað og láta laga….

Ætla að fara í afslöppun um helgina með stelpunum. Sýnist samt á öllu að þetta verði brjálað prógramm, gufa, pottur, spil, elda, maski, naglalakk, gufa, göngutúr, jólakrans, göngutúr, rauðvín og súkkulaði og romm…
Ég þarf örugglega að taka mér hvíldarfrí þegar ég kem til baka…

Ég er bara ég...

2006-11-15T00:52:00.000-08:00

Ég er búin að vera að velta því fyrir mér hvaða týpa ég er og komst loksins að niðurstöðu:
Ég nenni ekki að taka bensín - mér finnst það leiðinlegt
Ég nenni ekki að skipta yfir á vetrardekk - mér finnst það leiðinlegt
Ég nenni að kaupa mér skó og föt - mér finnst það gaman
Ég nenni að elda og borða góðan mat - mér finnst það gaman
Ég nenni að fara í nudd - mér finnst það gott

Þetta þýðir að ég á að vera með einkabílstjóra sem keyrir mig á milli búða og svo í nudd. Útúrnudduð ætti ég svo að fara heim til mín og elda góðan mat fyrir ástirnar í lífinu mínu...
En þetta er nú ekki alveg staðan í dag, þannig að eftir að hafa keyrt á bensínljósinu í tvo daga, var ég orðin svo stressuð með að verða bensínlaus á Kalkofnsvegi og fór og fékk mér bensín og í sömu ferð skellti ég vetrardekkjunum undir kaggann. Eldaði grjónagraut með sambýlismanninum mínum eldri og var í gömlu lufsunum...

Verst er að núna líður mér eins og glæpamanni - enda á nagladekkjum...

2006-11-14T01:45:00.000-08:00

Einu sinni var maður sem var svo veikur að hann var ekki viss um að hann gæti kyngt. Hann átti bágt og honum var vorkennt.
Þetta minnir mig á það þegar ég fékk rosakúlu á úlnliðinn og fór til læknis og var voða voða hissa þegar hún (læknirinn) sagði að ég væri með álagsmeiðsli (vegna mikillar tölvuviðveru). Ég var svo hissa að ég væri ekki með krabbamein. Var sannfærð um það...
Þá er nú líklegast betra að vera með svo mikla hálsbólgu að maður getur líklegast ekki kyngt..

útíslendingar

2006-11-10T09:41:00.000-08:00

Miklar umræður um útlendinga hafa verið í kringum mig undanfarna daga. Eins og hjá flestum geri ég ráð fyrir. MIkið er talað um hvað eru mörg þjóðerni hér, þó vissulega séu pólverjar áberandi í umræðunni.

Mér þykir eðlilegt að ræða þessi mál og oft eru gagnlegar og uppbyggilegar umræður sem eiga sér stað. Ég verð hins vegar að lýsa yfir áhyggjum mínum yfir auknu "skotleyfi" á þá sem ekki eru fæddir hér á landi og uppaldir. Mér finnst hafa aukist að fólk geri grín að þeim sem ekki eru íslenskir og það er allt í lagi. Tala um að þeir séu svona og hinseginn og aðlagist ekki og ég veit ekki hvað og hvað.
hvernig erum við þegar við förum til útlanda og búum þar?

Höldum við ekki hópinn?
Höldum við ekki upp á 17. júní og daginn eftir er aðalfréttatíminn á Rúv uppfullur af fréttum um það hvernig íslendingar í útlöndum héldu upp á daginn (snarheilagan)
Fer fólk ekki með hangikjöt og orabaunir til Kanaríeyja um jólin?

Ef einhver gerir grín að okkur í útlöndum hótum við að fara í mál og köllum það einelti!
En ef við gerum grín að útlendingum á Íslandi er það bara djók - og þþetta fólk getur bara sjálfu sér um kennt að aðlagast íslensku samfélagi ekki betur!

Svona er það nú!

2006-11-08T15:09:00.000-08:00

Einu sinni flutti mamma mín að heiman. Fór á vit ævintýranna og ástarinnar. Í mörg ár hef ég reynt að fá hana til að snúa heim aftur og sagt henni að hún megi alveg taka ástina með sér og að það sé nóg af ævintýrum hér. Hún hefur aldrei verið tilbúin í það. Svo flutti litla systir að heiman og mamma sagði mér að hún færi kannski bráðum alveg að verða tilbúin að flytja aftur heim...Það gladdi mig og litlu systur og alveg örugglega öll hin litlu systkini mín og auðvitað barnabörnin (engin pressa)
Svo sjáum við bara til...

Annars stöndum við Íslendingar frammi fyrir mjög erfiðu vandamáli að leysa. Það er ekki það að hvalveiðar okkar fari illa í umheiminn og vilji að við hættum því. Nei, það er sko ekki það. Við megum vel veiða hvali! Við erum nefninlega sjálfstæð þjóð! og því gerum við það sem okkur sýnist, þegar okkur sýnist það og hvernig sem okkur sýnist!
Nei, vandamálið sem við stöndum frammi fyrir er nefninlega það að alþingiskostningar og Eurovision bera upp á sama dag! Páll Magnússon er hins vegar búinn að lofa að redda þessu og við verðum bara að treysta því. Kannski hefur hann einhver tök niðrá þingi? Ætli hann geti fengið kostningunum frestað?

Mér finnst þetta fyndið...

2006-10-27T02:54:00.000-07:00

Lesist með tilþrifum og tilheyrandi látalátum...

Five Germans in an Audi Quattro arrive at the Italian border. An Italian police officer stops them and says:

"Itsa illegala to putta five-a people in a Quattro!"

"Vot do you mean, it's illegal?" the German driver asks.

"Quattro means four!" the policeman answers.

"Quattro iz just ze name of ze fokken automobile" the German shouts ..."Look at ze dam paperz: Ze car is dezigned to carry 5 people!"

"You canta pulla thata one on me!" says the Italian policeman. "Quattro meansa four. You havea five-a people ina your car and you are therefore breaking the law!"

The German driver gets mad and shouts "You ideeiot! Call ze zupervizor over!

Schnell! I vant to spik to zumvun viz more intelligence!!!"

"Sorry" the Italian says, "He canta comea . He'sa buzy with a two guys in a Fiat Uno."

Stefna

2006-10-25T13:53:00.001-07:00

Sá frétt um mann sem ætlar að hlaupa 50 maraþon í 50 fylkjum Bandaríkjanna...á 50 dögum.
Ég fékk smá samviskubit og smá spark í rassinn.
Ég er búin að vera með einhverjar hjartsláttatruflanir og hef haft smá áhyggjur af því. Helst af öllu dettur mér í hug að þetta sé stress, álag og eitthvað í þá áttina og ákvað að þó ég eigi von á símtali frá hjartalækni þá ætla ég að taka málin í mínar hendur og hætta að stressast og hætta að álagast líka (nema svona stundum og stundum).

- Fara snemma að sofa
- Ekki drekka mikið kaffi...jafnvel næstum hætta???
- Ekki stressast of mikið í vinnunni
- Einhver líkamsrækt á hverjum degi (þarf ekki að vera maraþonhlaup)
- Hugleiða
- Elska og elska mig og alla hina líka

Er eitthvað sem ég er að gleyma?

Læt hér fylgja með mynd af búddaíkorna svona til gamans

Stefna

2006-10-25T13:53:00.000-07:00

Er þetta viðmiðið?

2006-10-20T06:34:00.000-07:00

Munið svo stelpur að þið eruð æðislegar alveg eins og þið eruð...
ekkert plat og frat...
Eigið góða og yndislega helgi!

Konur og bílar

2006-10-13T02:18:00.000-07:00

Ég þekki konu sem þurfti að drífa sig af kaffihúsinu því hún var svo hrædd um að ná ekki í Fjarðarkaup klukkan sex. Hún lenti í sexbílaárekstri. Ekki inn í honum miðjum en sem fórnarlamb umferðartafa. Hún náði þó í Fjarðarkaup, enda hafði hún gefið sér klukkutíma. Það fylgdi nú ekki sögunni hvað hún ætlaði að hafa í matinn en þegar hún kom heim þá uppgötvar hún að hún hafi gleymt að borga kaffibollann á kaffihúsinu. Hún hringdi og lofaði að koma daginn eftir til að borga dropann. Sagðist nú ekki vilja gera sig að aumingja fyrir nokkra dropa af kaffi.

Ég á afmæli í dag ég á afmæli í dag ég á afmæli sjááálf ég á afmæli í dag

2006-10-09T05:15:00.000-07:00

"Þetta er allt í lagi mamma mín, ég kem alltaf til með að líta á þig sem 33 ára – líka á morgun. Þó þú verðir 34 ára gömul stelpa".
Svo fékk ég afmælissöng og kaffi og köku með kerti í rúmið í morgun.
Lá svo milli strákanna minna tveggja og hugsaði að þetta væri bara eins og jólin…

Læt fylgja með til gamans nokkrar afmælismyndir

NJÓTIÐ VEL

Massetta og skella sér svo á sjóinn

2006-10-06T04:18:00.000-07:00

Datt í hug þegar ég las komment frá kristjönu systur minni kona sem ég hitti í gær.
Hún á son sem er sautján ára. Sonur hennar hefur ekki ennþá farið í nám eftir grunnskóla. Það stóð reyndar til að hann færi í Iðnskólann í haust en hætti svo við á síðustu stundu því hann var ekki andlega tilbúinn til þess. Hann ætlaði á sjóinn.
Þetta var eitthvað karlmennsku dæmi. Allir karlmenn fara einhverntímann á ævinni á sjóinn og nú skildi hann gera það. Til að byrja með harðneitað barninu um þetta sjálfstæðisskref en snérist hugur eftir samtal við barnsföður sinn: drengurinn kynni ekki að vinna og þarna kæmist hann ekki upp með annað en að gera það sem honum var sagt að gera. Á sjó fer maður ekki í kaffi þegar manni dettur í hug og á sjó sefur maður ekki til tíu þegar maður á að mæta klukkan átta. Á sjó hættir maður ekki í vinnunni (þ.e. á miðjum túr) af því að yfirmaðurinn er fáviti. Á sjó getur maður ekki einu sinni hringt í mömmu og klagað yfirmanninn.

Barnið fékk semsagt að fara í einn túr á frystitogara. Hann verður úti í 40 daga, sjónvarps og símasambandslaus.

Mamman fylgdi honum niður á höfn en þurfti að fela sig bak við skúr, því barnið vildi ekki að Bóbó skipstjóri myndi sjá hann koma í fylgd móður sinnar. Þar sat hún á hækjum sér og grét fögrum móður tárum af hræðslu, stressi og smá stolti.

Það eina sem hún veit er að:
hann verður í 40 daga í burtu - eins og Jesú
Skipstjórinn heitir Bóbó - sem er afskaplega mikið nafn á leðurhomma
og skipið heitir Höfrungur 3 - Hvað varð um Höfrung 1 og 2?

Kaffi og Emil

2006-10-04T14:15:00.000-07:00

Ég tók þátt í einhverri vörumerkjakönnun í dag. Ég hef aldrei haldið því fram að ég væri vörumerkjasnobb og ef eitthvað er að marka þessa könnun, þá sannaði hún það. Eina vörumerkið sem ég tengdi sérstaklega við og taldi að skildi allar mínar þarfir og að mjög ólíklegt væri að hægt væri að tæla mig í burtu frá...var Kaffi tár...
Reyndar er ég ekki alveg heiðarleg, ég merkti líka við að Kringlan skildi mig pínulítið og leggði sig fram við að þóknast mér.

Annars er ég í Kringlustraffi. Inga Hanna segir að það sé svo dýrt að vera 34 ára og ég er að verða svoleiðis eftir nokkra daga...þannig að það er eins gott að byrja að spara.

Keypti mér annars bíl fyrir u.þ.b. ári, tveimur mánuðum síðan þvoði ég hann með svampi, af því að mér þykir svo vænt um hann...með grófu hliðinni upp...
Já ég veit. Ég var svooo mikið að vanda mig. Hringdi svo um daginn (af því að ég er svo framtakssöm) í Litlu Bónstöðina og strákurinn sagði "bara massa þetta" og lýsti því að hann myndi renna mjög fínum sandpappír yfir lakkið á bílnum til að fá hann jafnan... á ég að treysta þessum pilti? Og fyrir þetta þarf ég að borga 15 þúsund krónur.

Þettir kennir manni að maður á ekki að vera að vesenast í því að þrífa bílinn. Smá skítur hefur sjaldan drepið.

2006-10-03T02:54:00.000-07:00

Meðvirkni?

2006-09-28T16:02:00.000-07:00

- mamma, mér finnst svo óþæginlegt að fara inn í búðir sem enginn er inní
- ha?
- já, mér líður eitthvað svo illa inn í svoleiðis búðum
- nú afhverju?
- ég vorkenni svo búðarfólkinu af því að það er enginn að kaupa neitt!!!

Kókópuffs kynslóðin

2006-09-22T04:02:00.000-07:00

Við unnum! Held alla vegana að ég flokkist undir kókópuffskynslóðina, án þess að hafa borðað mikið af þeim ágætismat í gegnum tíðina. Ég sá heilsíðu auglýsingu um daginn þar sem einhver stjóri var að segja að þeir hjá General Mills hlustuðu alltaf á neytendur og hefðu því ákveðið að taka "nýju" kókópuffs uppskriftina úr umferð og halda sig við þá gömlu góðu.
Ég veit ekki, kannski er ég eitthvað að misskilja þetta en var kókópuffsinu ekki breytt fyrir u.þ.b. 10 árum?
Svolítið löng hlustin í þeim þarna í ameríkunni.

Svo sá ég í blaðinu í dag litla fréttaklausu sem bar fyrirsögninga "aftur gamla góða cocoa puffsið" og þar segir: Fyrir nokkrum mánuðum var byrjað að framleiða Cocoa puffs samkvæmt nýrri uppskrift. Aðdáendur morgunkornsins um allan heim urðu snælduvitlausir. Framleiðandinn, General Mills, brást hins vegar skjótt við og viðurkenndi mistök sín"

Kannski tilheyri ég eftir allt saman ekki kókópuffs kynslóðinni. Því ég hef alveg haldið ró minni undanfarin ár og nema fréttaklausan í blaðinu hafi hreinlega verið vitlaus, þá fóru þessar nýju breytingar alveg fram hjá mér. Ég hætti að borða kókopuffs þegar þeir bættu kakói í miklum mæli í uppskriftina, en kannski fannst flestum það vera til bóta?

Fullkomin veröld elsku mömmu minnar

2006-09-20T01:53:00.000-07:00

Lífið

2006-09-19T15:24:00.000-07:00

Mikið sem minnið getur svikið mann og ímynd og hugur dregið mann afsíðis. Ég var búin að gleyma hvernig þetta er. Ég var satt best að segja eiginlega sannfærð um að þetta væri allt í lagi en það er það kannski ekki alveg núna en ég veit að það verður það. Það tekur alltaf tíma að venjast nýju umhverfi...

Lífið er annars skemmtilegt. Hillan er tilbúin til málunar (við smíðuðum hana...þeas handlagnari helmingurinn) Kistan sem ég smíðaði alveg galein er alveg að þjóna sínum tilgangi og túlípanlaukarnir komnir í mold.

Litli sambýlismaðurinn fer í aðgerð á fimmtudaginn. Ef ég á að segja eins og er þá er ég smá kvíðin. Það er eitthvað skerí við svæfingu og ég tala nú ekki um svæfingu á litla barninu (sem er voða stór og allt að því trúlofaður amk kafloðinn á löppunum)
Við ætlum bara að hafa það gott og reyna að fara í bíó um helgina kannski að spila smá UNO.

Allt er nú til..skil þetta samt upp að vissu marki

2006-09-19T02:13:00.001-07:00

Lét fjarlægja liminn tveimur vikum eftir ígræðslu
Kínverskur maður sem fyrstur manna lét græða á sig getnaðarlim lét fjarlægja hann tveimur vikum síðar vegna ,,alvarlegs, sálræns kvilla" að því er læknablaðið European Urology greinir frá. Upphaflegur limur mannsins hafði farið svo illa að skurðaðgerð gat þar engu breytt og gat hann ekki pissað eða haft samfarir. Læknar við spítala í Guangzhou græddu á hann getnaðarlim í fyrra af heiladauðum manni en urðu að fjarlægja hann aftur tveimur vikum síðar.
Ástæðan var sú að maðurinn og eiginkona hans áttu erfitt með að venjast limnum. Þó gat maðurinn pissað án vandræða og líkami mannsins hafnaði ekki limnum. Þó svo þessi maður sé sá fyrsti sem græddur er á getnaðarlimur annars manns hefur fjöldi karla látið græða á sig sinn eigin lim á ný eftir slys víða um heim. Skurðlæknirinn Jean-Michel Dubernard, sem framkvæmdi ásamt öðrum fyrstu andlitágræðslu heims í fyrra, segir sjúklinga finna til sálrænna kvilla eftir að fá nýja líkamshluta. Erfitt sé að nota líkamshluta látins fólks eða líta í spegil og sjá andlit annarrar manneskju.
Dubernard segir þó að í tilfelli Kínverjans hafi konan hans átt þátt í máli en ekki ljóst hvað olli. Það hafi komið fyrir að fólk verði afneiti nýjum líkamshlutum og það hafi til að mynda gerst í tilfelli Nýsjálendings sem taka þurfti af nýágrædda hönd þar sem honum þótti hún visin og ljót.

well

2006-09-14T14:41:00.000-07:00

það gekk ekki í þetta skiptið, eyrað bólgið og blautt. Á að reyna aftur í næstu viku.
Góðu fréttirnar eru hins vegar þær að læknirinn er búinn að jafna sig á slitinni sin og rifbeinbroti (eftir að hafa dottið niður stiga þegar hann var að hjálpa syni sínum að mála húsið) og er byrjaður að hlaupa aftur. Hægt segir hann og eins og hann hafi aldrei hlaupið áður, en samt byrjaður.

Ég er svo mikil húsmóðir að ég eldaði steiktan fisk í raspi - alveg sjálf og raspið brendist ekki neitt.

Nýja vinnan mín

2006-09-13T16:48:00.000-07:00

-mamma, af hverju þarftu að punta þig svona mikið áður en þú ferð í vinnuna?
-jahh..þetta er bara svona vinna þar sem maður þarf að vera smá fínn svo er ég að hitta svo mikið af fólki og svona...
-já..er þetta svona fegurðarsamkeppni?

Mér finnst þetta ágæt pæling...
útlitsdýrkun og fatapælingar eru kannski full fyrirferðamiklar í nútímasamfélaginu?

Annars þarf ég líklegast ekki að punta mig eins mikið á morgun, þar sem líklegt er að sambýlismaðurinn litli fari í aðgerð í hádeginu. Sú aðgerð er gerð til að loka gati í eyranu sem var gert á sínum tíma til að koma röri inn í það. Ekki víst að af aðgerðinni verði þar sem eitthvað er byrjað að leka í eyranu. Við ætlum samt að reyna...

Læknirinn sem framkvæmir aðgerðina er eiginlega fjölskyldulæknir, þar sem hann skipti um ístað í mömmu, mældi mig (það er heyrnina) einu sinni og var einu sinni hlaupafélagi minn og læknaði líka stóra sambýlismanninn minn og svo er náttúrulega búinn að vera að vasast í litla manninum síðan hann var nokkurra mánaða.

Læknirinn sem er að fara að reyna að gera við gatið er einmitt sami læknir og bjó gatið til fyrir nokkrum árum síðan. Gaman að segja frá því!

Blóm og bókmenntir

2006-09-12T11:25:00.000-07:00

Ég fór um daginn í Bónus sem er svosem ekki frásögu færandi, en þó verið annað slagið fært í frásagnir á mínu heimili. Ég keypti mér lauka, svona túlípanlauka. Vegna dugnaðar míns í garðinum í sumar er ég full sjálfstrausts og keypti tvo poka. í hitteðfyrra keypti ég bara einn poka og geymdi hann upp á skáp fram á vor - einhverra hluta vegna komu engir túlipanar það vorið. Ef hættir einhverntíman að blása svona mikið ætla ég að skjótast út í garð og grafa stóra holu fyrir herlegheitin.

Var að klára að lesa bók sem mér fannst nú ekki mjög skemmtileg, svona sambland af Briget Jones og Legally Blond. Óskaplega fyrirframgefin bók, sem getur reyndar stundum verið fínt. Þetta er eins og að horfa á Meg Ryan bíómynd...stundum þarf maður bara það. Eftir á að hyggja getur mér líka hafa fundist bókin svolítið ekki skemmtileg, þar sem hún snerti að einhverju leiti viðkvæma strengi hjá mér enda heitir bókin "The secret dreamworld of a shopaholic".
Hver hefur ekki rennt yfir kreditkortareikninginn sinn og verið sannfærður um að einhver hafi stolið kortinu og náð að nota það... og það annsi vel?
Hver kannast ekki við að lotta og eyða ráðstafa vinningnum (í huganum) löngu áður en kúlurnar fá að fjúka um í sjónvarpinu?
Hver hefur ekki ætlað sér að vera í verslunarstraffi og svo allt í einu verið búin að finna þessa skotheldu afsökun fyrir því að kíkja aðeins í búðir?
Á ég að halda áfram....?

Ég veit að þetta getur verið sjúkt á stundum en maður stýrir svo sannarlega ekki öllu í þessu lífi. Við mæðgurnar eigum til dæmis við það vandamál að stríða að vera mjög opnar manneskjur og það gerir það að verkum að auðvelt reynist fyrir utanaðkomandi (óprúttna) aðila að versla í gegnum okkur!!!

Hvað getur maður sagt?

Um daginn...

2006-09-11T10:10:00.000-07:00

...sátum við litla fjölskyldan á útiveitingastað. Það er eins og mig minni að það hafi verið á sama stað og kokkurinn neitaði að elda fyrir mig. Á þessum veitingastað áttu eftirfarandi samræður sér stað:

- mamma ég sá svona konu með slæðu yfir andlitinu
- já, er það?
- Já, ég veit af hverju hún er með svona slæðu
- Nú, af hverju?
- Hún er holdsveik!

Í fyrramálið

2006-07-16T03:36:00.000-07:00

í fyrramálið förum við í flugvélina sem ætlar að fljúga með okkur til Krítar. Ég hef pínu áhyggjur af því að vera íslendingur á Grikklandi, en vona bara að þeir grikkir sem ég hitti haldi að ég sé frá Frakklandi.

Sambýlismaðurinn ætlar samt að taka með sér Eurovision diskana sína. Hvað get ég sagt? Hann lifir á brúninni.

Ég virðist ekki alveg gera mér grein fyrir að það sé komið að þessu ferðalagi. Eftir tæpan sólarhring förum við í loftið og ég er ekki byrjuð að pakka! Ég hef ekki tíma til þess, því ég á eftir að fara í sorpu...

Reyndar er eðlileg skýring á þessu, kemst ekki inn í geymslu til að sækja töskuna fyrr en ég er búin að fara með dósirnar í endurvinnsluna.

Verð í tvær vikur á ekki von á því að ég láti mikið í mér heyra hér á meðan á þessu ferðalagi stendur. Tek niður mental notes í staðin.

Vale

Morgunkorn

2006-07-13T02:57:00.000-07:00

Ég er þessi leiðinlega mamma sem kaupir aldrei kókopuffs eða hunangsseríjós. Ég hef einu sinni keypt svoleiðis morgunmat, en það var fyrir mörgum árum. Þegar sambýlismaður minn stendur fyrir framan morgunkornshillurnar í Bónus og mænir á innihald þeirra með sambland af aðdáun og sorg í augunum, segi ég honum að þetta sé svona nammi morgunkorn (eins og engjaþykkni og hrísmjólk og reyndar flesta aðrar mjólkurvörur sem ætlaðar eru börnum) og þetta sé bara keypt á jólunum eða þegar einhver á afmæli.

Þegar stórhátíðir á borð við afmæli okkar eða Sússa eru í gangi, flæðir sykur um allar æðar, þannig að enginn man eftir að kaupa kókopuffs. Og ekki er ég að skrifa það á minnislistann minn!

Nema hvað að í einhverju góðmennskubrjálæðiskasti keypti ég næstum því útrunnið hunangs seríjós á tilboði í Nóatúni um daginn. Ég hugsaði með mér að það væri nú einu sinni sumarfrí og sambýlingurinn ætti nú skilið að fá smá sætindi af því að hann væri nú svo óskaplega sætur sjálfur.

Ég vona bara að ég verði ekki alveg búin með pakkann þegar hann kemur frá pabba sínum...

Perur geta verið góðar

2006-07-10T13:22:00.000-07:00

Í sumar hef ég bara einu sinni verið í Bónus og munað eftir að perulager heimilisins er þurrausinn. Þrátt fyrir marga hringi í búðinni fann ég engar perur, ekki einu sinni í horninu hjá ryksugunum og appelsínusafanum. Svo hafa perurnar ein af annarri verið að syngja sitt síðasta hérna í kotinu og ég þakka mínu sæla fyrir blessað sumarið og birtuna sem því fylgir.

Nú er hins vegar svo komið að allar perur eru búnar og trén í fullum skrúða og því ekki eins gott aðgengi fyrir birtuna í gluggana mína. Svo lítil birta kemst inn að ég treysti mér ekki til að þrífa svo vel sé.
Ohh... og ég sem ætlaði einmitt að þrífa í kvöld. Eina birtan sem eftir er kemur frá sjónvarpinu mínu...ætli ég verði ekki bara að ylja mér við skjáinn í kvöld og halda áfram að vera í vaðstígvélum heimavið...ég meina ekki fer ég að skúra með kerti á höfðinu???

Stúlka

2006-07-06T15:09:00.000-07:00

Einu sinni átti ég skólasystur og vinkonu. Við vorum níu ára og áttum heima í Hafnarfirði. Einn daginn hringdi hún í mig og var mikið niðri fyrir, grét og öskraði í símann og sagði að hún ætlaði að drepa sig og ég yrði að koma strax. Ég hljóp eins og fætur mögulega gátu togað og stökk inn á heimili hennar. Sat hún þá mjög róleg í eldhúsinu og sagði að sér hefði leiðst svo og hún hefði viljað fá mig í heimsókn.

Í dag býr hún í úthverfi Reykjavíkur, á 3 börn og einn mann og er enn með sítt hár.

"Alveg sama hvað hann segir, ekki segja neitt!"

2006-07-03T04:59:00.000-07:00

Las þessa setningu í bók um daginn. Þessi ráðlegging var dæmd ónothæf nokkrum línum neðar. Ég hef aldrei verið góð í því að þegja. Ef eitthvað er,þá tala ég of mikið. Ég meina ekki að ég sé síblaðrandi, heldur segi ég það sem ég hugsa og tjái mig um það sem ég hef skoðun á. Til langs tíma hafði ég skoðun á eiginlega öllu.
Í dag er margt sem snertir mig ekki og enn fleira sem ég er að vinna hörðum höndum við að láta ekki snerta mig.

Að reyna að setja sig í spor "hins aðilans" er eitthvað sem ég reyni að gera í flestum samskiptum sem ég á í. Það gengur mis vel, stundum gleymi ég mér... Stundum reyni ég að taka fólk úr sínum sporum og setja þau í mín. Það lukkast sjaldnast vel.

Ég er að læra að þegja og hlusta og lesa. Ég er nokkuð góð í því, svona þegar ég vil við það hafa. Ég reyni að skipta mér ekki af málum sem ekki koma mér við. Ég lendi þó stunum í innri baráttu með skilgreininguna á "málum sem ekki koma mér við". Hvar er línan?

Eins og fleiri hef ég verið að velta fyrir mér meðvirkni. Hvað er meðvirkni og hvað er eðlileg umhyggja? Hvenær verður meðvitundin um að vera ekki meðvirkur svo sterk að einstaklingur er orðin vanvirkur í garð annarra?

auðvitað..

2006-06-30T14:04:00.000-07:00

Að sjálfsögðu var dagurinn frábær. Ég meina, ein ekki hvað?
Ég fékk sviðsskrekk á sviðinu og fór svo, í unglingaveikinni, stuttu eftir mína afhendingu í Nauthólsvík og fékk kaffi bak við klett. Týndi sóleyjar og gleyméreyjar og labbaði berfætt í sparikjólnum.
Kvöldið var svo auðvitað alveg frábært líka. Ég á svo skemmtilega vini og vandamenn. Allir (held ég) skemmtu sér hið besta, borðuðu á sig gat og sumir dönsuðu smá.

Lífið er bara nokkuð ljúft.

Við fengum nóg af góðu rigningunni og pöntuðum okkur far til Krítar í sumar. Erum að fara eftir rétt tæpar tvær vikur. Það er bara ekki svo leiðinlegt. Þegar heim er komið, taka við önnur og spennandi verkefni. Ég er loksins að verða svolítið fullorðin - finnst mér.

24.júní!

2006-06-24T03:17:00.000-07:00

Já, þá er komið að því: útskrift Jófríðar. Ég verð að viðurkenna að ég er ekki að rifna af spenningi. Er þó nokkuð viss um að á morgun verð ég ánægð með daginn í dag. Ég fæ tjald í útskriftargjöf og sílikon..sprey...fyrir tjaldið.

Var samt að hugsa um að biðja kannski um botox í varirnar eða svínafitu á hnakkann, ætli ég láti það ekki bíða næstu gráðu?

Næstu gráðu? Nei, held ekki. Ég er búin með gráðurnar, núna ætla ég bara að fara að vinna í hinni margrómuðu sí- og endurmenntun...alveg án nokkurra auka gráða.

Hlakka svolítið til að hitta Kristínu, velti því fyrir mér hvort handartak hennar verði kraftmeira en forvera hennar, sem by the way er með kraftlausasta handartak sem ég hef tekið í...gæti stafað af fjölda handarbanda á stuttum tíma. Veit ekki. Kemur í ljós innan nokkurra tíma.

Kjóllinn er ennþá heill og ég passa í hann og skórnir eru auðvitað GEÐVEIKIR!

Verð svo með matarboð í kvöld. Fullt af mat en svona óformlegt, eins og er best að hafa. Það segi ég vegna þess að ég kem ekki öllu fólkinu við borðstofuborðið og læt því fólkið mitt borða úr kjöltu sinni..næstum því..ætti mögulega að geta reddað diskum fyrir liðið..sé til hvað ég hef tíma í...

Þangað til næst, kveður Master Jóda

Hamingja

2006-06-18T06:55:00.000-07:00

einu sinni þekkti ég strák sem mér fannst óþolandi afskiptalaus eða tilfinningalaus í minn garð. Mér fannst hann ekki vera næginlega meðvirkur með mér, þar sem hann nennti alls ekki að sveiflast til og frá með mér og mínum tilfinningum. Ekki nennti hann heldur að snúast í hringi með mér í mínum vangaveltum um happ og óhapp lífsins.

Hann sagði mér að hann tryði á mátt hugans og að ef maður hugsar neikvæðar hugsanir þá gerast neikvæðir hlutir. Svona "being lucky is beleving you're lucky" heilkenni. Ég hugsaði þetta svolítið og sá að þrátt fyrir að vera að öllu jöfnu afskaplega misþroska, þá hafði hann líklegast rétt fyrir sér í þessu.

Ég þekki þennan strák ekki dag, reyndar þekkti ég hann líklegast aldrei. Sumir nenna ekki að standa í því að vera þekktir. Ég hugsa oft um þetta sem hann sagði og er búin að búa til margar útfærslur af þessum vangaveltum.

Allar bera þessar útfærslur að sama brunni: Ég hef val. Ég ræð hvernig ég tekst á við hluti og hvernig ég lifi því lífi sem mér var skammtað. Þau tímamót sem ég komst á í byrjun apríl vara enn. Ég er enn að ganga vappa á krossgötunum, er komin með stefnu, veit hvert ég er að fara, en á í raun aðeins eftir að ákveða hvernig ég ætla að komast þangað.

Það er ekki eitt atriði sem kemur mér á afangastað. Það eru óteljandi litlir og stórir þættir. Tveir þeirra eru ákveðnir
- hamingjusöm
- jákvæð
Núna þarf ég bara að finna út úr því hvernig ég veiti mér hamingju.

Hef líka verið að velta fyrir mér orðunum uppgjöf, ábyrgð og ábyrgðarleysi og seigla... meira um þau seinna.

lífsins gjafir

2006-06-01T10:29:00.000-07:00

ég hætti einu sinni að reykja og svo byrjaði ég aftur og svo hætti ég aftur og svo byrjaði ég aftur og svo hætti ég aftur og svo byrjaði ég aftur og....svo kom sambýlismaður minn að mér reykjandi og þá lofaði ég honum að ég myndi gefa honum það í afmælisgjöf að hætta! Mikið sem barnið grét og á milli ekkanna kom:
- mamma, hvað ertu búin að halda þessu leyndu lengi?
- mamma, það er betra að segja svona hluti!!!

ég ætla að hætta og til að vera alveg viss um að það myndi ganga upp ákvað ég að fara á Ziban. Fyrir þá sem ekki vita hvað það er þá er það lyf sem upprunalega var notað sem þunglyndislyf en virkaði ekki sem slíkt, en hafði hins vega þær aukaverkanir að þunglyndissjúklingarnir hættu að reykja í massavís. Í dag er þetta notað sem "hætta að reykja lyf"

Ég fór út í búð og fjárfesti. Já, fjárfesti, því þetta kostar handlegg og tvo fingur til. Stuttu eftir að ég byrjaði að taka stuffið fékk ég þessi svakalegu flóabit á fæturna og exem á líkaman og svo klóraði ég mér og klóraði...þetta var ekki alveg eðlilegt..og þetta jókst bara og jókst.

Eftir umhugsun og viðtal við lækni kom í ljós að ég var með ofnæmi fyrir töflunum og þurfti að hætta á þeim hið snarasta. Verð að fara út í búð og kaupa mér tyggjó...
því ekki getur maður tekið afmælisgjöfina til baka - er það nokkuð?

Huggulegt?

Bara svona ef þú ert enn að reyna að gera upp hug þinn...

2006-05-26T01:47:00.000-07:00

Done!

2006-05-24T02:22:00.000-07:00

Nú er ég að hugsa um að fara að gera eitthvað annað...hugsa um eitthvað annað, tala um eitthvað annað og lesa um eitthvað annað...

Vel tenntir frændur

2006-05-21T15:55:00.000-07:00

Fallegar tennur hafa alla tíð verið í ættinni, sýnist það ekkert vera að breytast

jeremías

2006-05-21T06:15:00.000-07:00

hún er farin til prófarkalesarans míns...
og ég held ég hafi keypt útskriftarkjól í gær...
nú vantar mig bara skó...

júróvision

2006-05-20T14:47:00.000-07:00

Við sambýlisfólkið horfðum á júróvision eins og fleiri í Evrópu, en þó aðallega á Íslandi og Finnlandi..og kannski Grikklandi held ég. Ákveðið var að halda svakalegt partý en húsfrúin náði að eyðileggja kvöldverðinn fyrir sambýlismanninum með því að lauma smá gráðaosti út í uppáhaldsréttinn. Well...hann verður bara að fara að læra að "geitaostur er vondur og gráðaostur er góður"...svo fengum við okkur smá snakk... Okkur fannst gaman en athyglin hélst ekki alveg allan tímann...

Sæt er hún...en ekki er hann minna fríður...enda víst náskyld...

Gleðistund

2006-05-18T01:25:00.000-07:00

Sat í eldhúsinu í morgun og var að bíða eftir kaffinu. Allt í einu finn ég hvernig birtan hættir að streyma inn um gluggann og lít upp til að athuga hvað olli. Stendur ekki sambýlismaðurinn minn það skælbrosandi!

Hann hafði lagt af stað í skólann svo snemma að hann gat komið inn (hann er hjá pabba sínum þessa vikuna) og við sátum í sófanum í korter og knúsuðumst og héldum utan um hvort annað og sögðum hvoru öðru hvað við söknuðumst.
Ég var svo glöð að hitta hann að ég fór næstum því að skæla.
Hann sagði mér að hann hefði líka labbað fram hjá eldhúsinu í gær en þá hefði enginn verið inní því. Ææææ og ég sem var þá bara í stofunni að vinna...
Hann sagði mér að hann labbaði alltaf fram hjá og kíkti inn í eldhúsið, því honum þætti það svo gott. Líka þó hann sæi mig ekki, bara að sjá smá....

Ég held að við elskum hvort annað alveg jafn mikið..

orð í tíma...skrifuð

2006-05-17T03:31:00.000-07:00

þrjátíuþúsundfimmtíuogtvöorð - 30.052 orð skrifuð og enn að....

Jedúddamía

2006-05-16T16:44:00.000-07:00

...égleggekkimeiraáykkur...

hana nú

2006-05-13T07:51:00.000-07:00

Hitti manninn á miðhæðinni (þ.e. miðhæð systur minnar) í gærkvöldi og gekk til hans og kynnti mig. Við áttum stutt spjall og þá skildi ég hljóðin sem sem ég hef fengið lýsingar á. Hann er með pinna í tungunni!!!

------

Velti því fyrir mér að ef maður er fyrrverandi forseti Íslands, hvort maður þurfi þá ekki að hvísla eins lágt og hinir, þegar maður er á bókasafninu?

Jahérnamegin

2006-05-12T04:34:00.000-07:00

Mér sýnist á öllu að þetta ætli að merjast. Ég er reyndar ekki enn búin að fá komment frá kennaranum mínum. Hitti hann á mánudagsmorgun. Er viðbúin hinu versta, þó ég voni að sjálfsögðu það besta.

Ef hann segir að þetta sé drasl. Þá bara verð ég að fara á barinn og grenja þar. Ef hann segir að þetta sé drasl en því sé viðbjargandi hleyp ég heim og hræki vænni slummu í lófana. Ef hann segir að þetta sé ótrúlega flott, þá hræki ég í lófana og fer á barinn.

Heiðrún er að koma í kvöld og ætla ég að bruna út á flugvöll til að sækja stelpukonuna. Svo ætlum við að spjalla aðeins og kannski fá okkur hvítvín eða sódavatn...

Pósturinn

2006-05-11T02:24:00.000-07:00

Ég er að velta því fyrir mér hvort allur póstur sé flokkaður "manualt"?
Vá, hvað það eru mörg stöðugildi?
Ekki bara hér á Íslandi, heldur í öllum heiminum.
Ég er að hugsa um að senda póstflokkunarfólki þessa heims hugskeyti og segja þeim að ég sé stolt af þeim og þakklát fyrir þeirra frábæru störf. Það er örugglega einhver af þeim sem nær skeytinu.

Annars á ég son sem er farinn að velta því fyrir sér hvort hann megi ekki labba einn heim úr skólanum, í stað þess að ég sæki hann. Ætlaði að gera það í dag...en sagði svo áður en hann fór að sofa:
- mamma, vilt þú sækja mig á morgun?
- ég labba bara í næstu viku...

Einhverra hluta vegna fór ég að hugsa um þessar endalausu ferðir mínar með barbídótið á milli geymslunnar og herbergisins míns...

Ég á samt enn bangsa er reyndar hætt að sofa með hann í fanginu en hann trónir í heiðurssæti í stofunni og heitir Tryggvi.

hljóðlát rúllandi gyðja

2006-05-10T03:41:00.000-07:00

Játaði mig sigraða fyrir sumrinu í gær. Lét taka varnaglana undan bílnum. Dreymdi reyndar í nótt að það hefði snjóað mikið. Það hlýtur að vera fyrir hláku.
Sat úti í sólinni um daginn og minntist þess að ekki fyrir svo löngu síðan var ég í úlpu með trefil og ef vel var að gáð var lopapeysa undir úlpunni. Ég er nú ekki fljótari að læra en svo að þetta kemur mér alltaf jafn mikið á óvart. Það lítur semsagt út fyrir að ég geti farið berleggjuð út án þess að fá blöðrubólgu..amk einu sinni á næstu mánuðum.

Er annars búin að sitja mikið og hugsa. Er búin að hugsa um allt milli himins og jarðar og komst að einu mjög merkilegu:
Það eru alltaf amk tvær hliðar á einu máli. Merkilegt nokk!

Í gær talaði af fyrra bragði við kunningjakonu mína og fann í dag að bakið er örlítið beinna...

Af bókhlöðunni

2006-05-04T14:05:00.000-07:00

Við systur erum sannfærðar um að þessi her sem klæðist MR peysum og talar um stærðfærðipróf og íslenskupróf á víxl, sé enn í menntaskóla.
Ég veit ekki hvað segja skal, en varð þó vitni að samtali dóttur við móður sína í dag, sem rennir jafnvel stoðum undir þessa kenningu okkar systra.
Ég er semsagt á salerninu og heyri stúlku koma inn úr lestrarsalnum:
- hæ mamma... hvað þýðir: Loki losaði sig með lævísi undan dauðanum?
... já þetta er eitthvað í sambandi við að (man ekki nákvæmlega hvað hún sagði þarna)
svo heldur hún áfram:
- já, lævísi..hvað þýðir þetta svona á íslensku???

Ég vona svo innilega fyrir stúlkunnar hönd að hún sé enn í menntaskóla og þá kannski bara á fyrsta ári og þá líklegast ólögleg hér í húsinu.

Er búin að vera hér síðan 8:25 í morgun. Klukkan er núna 21:08. Ég er úrvinda og er að fara heim. Var þó að velta því fyrir mér, svona úr því að mér verður stundum hugsað til hreinlætis hér í húsinu...
- hvað ætli hafi margir rassar setið á stólnum sem ég sit á núna?
- og hvað ætli margir af þeim rössum hafi prumpað?

að horfast í augu

2006-05-01T03:20:00.000-07:00

Eitt aðal tilhlökkunarefnið við að klára þetta próf mitt, er að geta pakkað saman skóladótinu mínu og farið að hugsa um gluggatjöld og garðblóm.
En þar sem ég sit hins vega í eldhúsinu mínu og drekki mér í fræðbókum um eigindlegar rannsóknaraðferðir þá rennur upp fyrir mér ljós;
Ég kem líklegast aldrei til með að hafa pennaveskið langt undan.
Ætli það verði ekki þannig að þegar þessar skólabækur eru komnar á vísan stað, þá komi nýjar bækur í þeirra stað á skrifborðið, í hillurnar og töskurnar og borðstofuborðið og....

Ég held í alvöru að ég þurfi að fá stærri íbúð, þar sem ég hef eitt herbergi alveg fyrir þetta...

Annars vaknaði ég brosandi í morgun. Mér finnst gott að brosa og enn betra að vakna brosandi.

Á tali við Guð

2006-04-30T06:22:00.000-07:00

Kæri Guð!
Ég er búin að biðja þig um aðstoð. Búin að biðja þig um að hjálpa mér að komast upp úr þessum pitti sem ég hef setið föst í í dágóða stund. Allt of langa stund finnst mér. Ég hef jafnframt sagt þér að ég viti vel að ég geti ekki farið fram á einhverja töfralausn, enda vil ég það ekki. Ég held að töfrar séu plat. Ég meina eins og konan í kassanum sé í alvörunni skorin í tvennt? Eða þrennt?

Stundum þegar ég talaði við þig þá sendir þú mér hlýja strauma og mér leið betur. Í hlýjunni frá þér náði ég taki og byrjaði að klifra, en svo datt ég aftur og sársaukinn var svo mikill að ég hafði ekki orku til að tala við þig.

Svo gerðist það. Þú bænheyrðir mig. Ég var bænheyrð af þér.
Þú sýndir mér og ég sá.
Ég komst upp á bakkann og nú þarf ég bara að finna góða sturtu og skrúbb til að skola af mér skítinn.

Þú ert í hjartanu mínu og ég er í hjartanu þínu.

Takk elsku Guð.

Bókasöfn

2006-04-28T05:35:00.000-07:00

Það er þrennt sem mér finnst ógeðfelt við almenningsbókasöfn þar sem mikið er af fólki. Eftirfarandi upptalning er í handahófskenndri röð:

1. Skítugir stólar. Svo loðnir af mannshárum og ryki að maður sér ekki hvernig þeir eru undir úrgangnum.
2. Salerni. Þar sem stöðugt rennerí er frá 8:15 á morgnanna til 22 á kvöldin. Hvað ætli það séu margir rassar á dag?
3. Orðabækur með mannafýlu. Ekki vottur eftir að góðri lykt hefðbundinnar bókar. Endarnir á blaðsíðunum er brúnir af húðfitu. Lytkin er vægast sagt ógeðsleg. Ég veit til þess að a.m.k. helmingur þeirra sem eru í salernis renneríinu á daginn, þvo sér ekki um hendurnar...og fara svo beint að fletta orðabókunum.

Herbergi

2006-04-26T15:50:00.000-07:00

Á leið minni út úr herberginu staldraði ég við í dyragættinni. Það er gott að standa í dyragætt þegar það er jarðskjálfti. Það komu froskar úr loftinu og smá brennisteinn með. Þegar slímugir froskar eru að hoppa yfir mann og á er gott að vera búinn að smyrja sig í vaselíni. Ég hafði ekki alveg náð að setja á hægri öxlina og brjóstið svo ég fékk smá ógleði tilfinningu. Þegar manni er óglatt er gott að drekka sódavatn og anda að sér fersku lofti. Það var ekkert sódavatn í þessu herbergi og allir gluggar lokaðir.
Ég lokaði hurðinni, gekk út í garð og synti í sódavatnsbrunninum.

Jedi master joda

2006-04-22T09:22:00.000-07:00

Vegna anna hjá alter egoinu mínu henni Jódu verða færslur hér í algjöru lágmarki næstu vikurnar. Jóda er að vinna að masterstitlinum sínum

Aha!

2006-04-18T06:10:00.000-07:00

Getur verið að það sé komið próflestrarveður? Og ég á bókhlöðunni að læra!!! Æ hvað lífið er stundum yndislega útreiknanlegt.

Fékk páskaegg eftir allt saman. Þurfti reyndar að hafa töluvert fyrir því að finna það. En það hafðist fyrir rest.

fyrst kemur fræið, síðan berið
nokkuð góður finnst mér - og ágætlega í anda þess sem ég hef verið að berjast við síðustu misseri.

Pantaði mér miða í leikhús áðan. Fékk miða 1. júní. Ég hefði komist fyrr, ef ég hefði verið tilbúin til að sitja á 1. bekk í sæti 1. Ég meinaða. Vonandi er þetta skemmtileg sýning.

Mæli annars með risaópal og trönuberja toppi!

Skírdagur eða skýr-dagur?

2006-04-13T03:43:00.000-07:00

Í fyrst skipti í mörg ár, eða bara á ævinni finn ég fyrir einhverri helgislepju yfir mér. Ætli Jésú og pabbi hans hafi uppskorið eins og þeir sáðu? Eða eru þeir yfir svoleiðis vangaveltur hafnir?
Ég er ekki að dæma, bara að vangavelta. Ég ætla nefninlega að reyna að hætta að dæma. Það finnst mér vera verðugt markmið.

Hér koma nokkrar útgáfur af síðustu kvöldmáltíðinni eða the last supper eins og þeir segja upp á enskuna - sem er einhvernvegin töluvert minna hátíðlegt en á íslensku finnst mér.
Mér finnst ótrúlega skemmtilegt að skoða hvernig tíðarandinn og almennar aðstæður breyta sýn á þessa kvöldmáltíð strákanna.

Það hlaut að koma að því...

2006-04-12T02:20:00.000-07:00

- Mamma, ég er búinn að fatta eitt!
(brosir sínu fallega, rólega brosi og hallar sér aftur í sófanum)
- Nú hvað er það?
(brosi á móti, enda stolt af gáfnafari sonarins)
- Þú veist ekki allt!
...

Vangaveltur

2006-04-11T05:20:00.000-07:00

Í nótt þegar ég fór að sofa hugsaði ég til þín og ég velti því fyrir mér hvort þú værir að velta því fyrir þér hverju ég velti fyrir mér.
Eftir töluverðar vangaveltur sá ég að ég kæmist ekki að neinni heilbrigðri niðurstöðu og ákvað því að hætta að drasla svona til.

Þegar maður stendur í miðri draslhrúgunni kemst maður að því hverjir eru vinir manns og hverjir eru það ekki. Ég á yndislega vini. Ég þakka mikið fyrir að hafa öðlast þann skýrleika.

Í dag drakk ég kaffi með yndislegri manneskju og á páskaskraut.

Mánudagar

2006-04-10T04:03:00.000-07:00

Dagurinn í dag er auðvitað einstakur en það breytir því samt ekki að mér finnst hann frekar erfiður og vona að hann verði búinn sem fyrst. Ég berst við drauga í formi kvíðahnúta og lystarleysis.

Ég hlakka til páskanna, þó ég fái líklegast ekkert páskaegg. Ég hlakka til að hitta vini mína og njóta þess að vera með þeim. Ég hlakka til að vera með stelpuboð, fyrir stelpuvini mína. Þá borðum við kannski góðan mat, drekkum smá rauðvín og dönsum við madonnu...því hún er jú best.

Við vinkonurnar vorum að tala saman um daginn. Við vorum sammála um það að við værum bara orðnar fullorðnar. Mér finnst gott að vera fullorðin. Mér finnst gott að taka ábyrgð á mér.

Annars eru fáir í bókhlöðunni, ætli hún sé komin úr tísku?

Hrósið...

2006-04-07T03:28:00.000-07:00

...fær Ármann Reynisson sem hefur gengið frá samningum við þýska bókaútgáfu um útgáfu á bók sinni Vinjettur V. (Fréttablaðið 7. apríl 2006)

Fyrir þá sem ekki þekkja Ármann langar mig til að benda á opinbera heimasíðu hans, þar sem kennir margra grasa.

Grátkór kvenna

2006-04-06T13:40:00.000-07:00

Ég hef áður, hér eða einhversstaðar annarsstaðar, gert að umræðuefni grátkór kvennanna í fjölskyldunni. Ég skildi aldrei hvernig stóð á því að mamma mín kom sér fyrir í sófanum hvern sunnudag klukka þrjú og horfði á “húsið á sléttunni” a.k.a. “grenjað á gresjunni”, og grét úr sér augun í klukktutíma eða svo.
Systir mín elskulega er nú ekki skárri, verri er hún ef eitthvað er, grét þegar ég kom í mark í hálfmaraþoninu í sumar (og ég var sko ekki sorglega síðust – heldur bara mitt á milli).
Eitthvað höfum við líka grátið saman, með hvor annarri og yfir hvor annari. Allar höfum við grátið yfir fallegum skóm, saman og í sittihvoru lagi.

Ég á barn. Þetta barn er ekki í grátkór kvennanna af þeirri einföldu ástæðu að hann er strákur. Það kom þó snemma í ljós að hér var á ferð einstaklega tilfinningarík mannvera. Má fátt aumt sjá og afskaplega tilfinningagreindur þó ungur sé að árum. Ég sagði honum um daginn að ég elskaði hann. Ég sagði það reyndar ekki við í beinum orðum, heldur útfærði það á annan hátt (sem ekki verður tíundaður hér og nú) nema hvað...að barnið segir:

- æ mamma, þú ert svo yndisleg. Ég fæ bara kökk í hálsinn..og tár í augun. Ég er að fara að gráta.

Og það skipti engum togum að blessað barnið skellti sér í hálsakotið mitt og grét.

Ég: af hverju ertu að gráta ástin mín?
Hann: ég er að gráta af hamingju...

Hann kemur sterkur inn sem heiðurmeðlimur í grátkórnum.

Ég er kannski ekkert mikið skárri þó ég þykist vera það. Ég hef grátið yfir öllum mögulegum og ómögulegum hlutum. Ég hef grátið yfir bíómyndinni 9 ½ viku, ég hef grátið yfir fallegu veðri, í brúðkaupum og jarðarförum og ...jú yfir fallegum skóm.
Ég fer í gegnum lífið með tárin í augunum, ýmist vegna hamingju eða sorgar. Ég græt þó mismikið. Stundum græt ég óskaplega. Stundum finnst mér það gott en ekki alltaf.
Í dag hef ég ekkert grátið...og það finnst mér gott, svo gott að ég get næstum grátið af gleði.